“bp-nin Azərbaycanda nəinki paylarını satmaq fikri yoxdur, hətta Azərbaycandakı işlərini genişləndirmək niyyətindədir. Bu yöndə də çox ciddi addımlar atılır”. bp-nin ictimaiyyətlə əlaqələr şöbəsinin rəhbəri Tamam Bayatlı “Azadlıq” radiosuna açıqlamasında belə deyib.

Qırğızıstanda ATƏT qüvvələrinin ölkənin cənubunda iyunda etnik toqquşmaların baş verdiyi ərazilərdə yerləşdirilməsinə etiraz olaraq bir neçə aksiya keçiriləcək. “Anspress”in məlumatına görə, “Qırğızıstan xalqı xarici qüvvələrin əleyhinədir” adı altında birləşən bir neçə gənclər təşkilatının təşəbbüsü ilə paytaxt Bişkekdə və bir neçə regional mərkəzdə etiraz aksiyalarının artıq başladığı xəbər verilir.

Londonda bütün Azərbaycanın adına utanc gətirən hadisə baş verib. Bu olay və onun təfərrüatları barədə redaksiyamıza məlumat verən məlumatlı mənbənin bildirdiyinə görə, hadisə hakimiyyətin hətta ən üst qatında şok effekti yaradıb. Söhbət ondan gedir ki, Londonda təhsil alan Azərbaycanda nazir statusunda olan bir komitə sədrinin qızı ilə orada bir oğlan arasında sevgi macərası başlayıb.

Azərbaycanda ali məktəblərə qəbul imtahanlarının ilk dəfə testlə keçirildiyi 1992-ci ildən indiyədək olan müddətdə ilk dəfə olaraq, bu il 7 nəfər abituriyent 700 bal toplayıb.

Rusiyanın baş naziri Vladimir Putin təsdiq edib ki, bir neçə həftə əvvəl ABŞ xüsusi xidmət orqanları tərəfindən tutulan, lakin sonradan amerikalı agentlərlə dəyişdirilən rusiyalı casuslarla görüşüb. Baş nazir jurnalistlərin suallarına cavab olaraq bildirib ki, casuslarla görüşdə “Vətən haradan başlayır” mahnısını da oxuyublar. O, söhbətin vətənpərvərlik haqda getdiyini deyib. Putin təsdiq edib ki, həbs olunduqdan sonra Qərb mətbuatının ulduzuna çevrilən Anna Çapman da bu görüşdə iştirak edib.